საქართველოს კუდოს ფედერაციის მებრძოლები დღეს ინდოეთში გაემგზავრნენ. ქართველები 10–12 თებერვალს   კუდოს მსოფლიო თასზე იასპარეზებენ.  სპორტსმენები საქართველოს კუდოს ფედერაციის ვიცეპრეზიდენტმა, ალექსი ფილფანმა გააცილა და წარმატება უსურვა.

კუდოს მსოფლიო თასზე 3 ქარველი კუდოისტს იასპარეზებს.  პირველობის მოსაპოვებლად, ასლან ორუჯევი, რაულ თუთარაული და სოსო ნიჟარაძე იბრძოლებენ. აღსანიშნავია, რომ მსგავსი მასშტაბის შეჯიბრში ქართველი კუდოისტები პირველად არ მონაწილეობენ.  2016 წლის ოქტომბერში საქართველოს კუდოს ნაკრებმა რუსეთში გამართულ კუდო ჩელენჯზე  წარმატებით იასპარეზა.

შეგახსენებთ , რომ კუდოს II მსოფლიო თასი ინდოეთის ქალაქ მუმბაიში ჩატარდება. თითოეულ საშეჯიბრო კატეგორიაში გამოვლინდება ოთხი გამარჯვებული, რომლებსაც საერთაშორისო ფედერაციისგან მედლები და დიპლომები გადაეცემათ, აგრეთვე მოიპოვებენ ლიცენზიებს სხვა საერთაშორისო ტურნირებში მონაწილეობის მისაღებად.

28 იანვარს, თბილისში შოთა ჩოჩიშვილის სახელობის ძიუდოს აკადემიაში კიკბოქსინგის საერთაშორისო ტურნირის „კოლხეთის თასის“ ფინალური ეტაპი გაიმართა. ორთაბრძოლები K1–ის წესებით წარიმართა და გამარჯვებული ორ წონით კატეგორიაში გამოვლინდა.

შეგახსენებთ, რომ ტურნირის შესარჩევი ეტაპი ერთი წლის განმავლობაში მიმდინარეობდა. ღონისძიების სპონსორი  საქართველოს კუდოს ფედერაცია იყო, ორგანიზატორები კი  ტაიბოქსისა და კიკბოქსინგის ფედერაცია (WFCA ვერსიით) და კონტაქტური კარატეს ფედერაცია. ტურნირის საპრიზო ფონდი 10 000 ლარს შეადგენდა.

შეჯიბრზე  საქართველოს კუდოს ფედრაციის  მწვრთნელი  ამირან სახოკია ასპარეზობდა, თუმცა ნახევარფინალურ შეხვედრაში მიღებული ტრავმის გამო ბრძოლის გაგრძელება ვეღარ შეძლო. 65 კილოგრამ წონით კატეგორიაში პირველობა გიორგი ხუფენიამ, 70 კილოგრამში კი – ოთარ გოგობერიშვილმა მოიპოვეს. გამარჯვებულებს წარმატება სპორტისა და ახალგაზრდობის საქმეთა მინისტრმა, ტარიელ ხეჩიკაშვილმა მიულოცა. ფინალური შეხვედრების გარდა, ტურნირმა სარეიტინგო ორთაბრძოლებსაც უმასპინძლა. საერთო ჯამში ძიუდოს აკადემიაში 11 ბრძოლა გაიმართა.

„კოლხეთის თასის“ საერთაშორისო ტურნირი 2015 წელს დაარსდა. შეჯიბრში მონაწილეობას იღებენ პროფესიონალი სპორტსმენები მსოფლიოს სხვადასხვა ქვეყნებიდან. ტურნირის გამარჯვებულებს სხვა საერთაშორისო ჩემპიონატებში მონაწილეობის ლიცენზიები ენიჭებათ და ჯილდოდ ფულადი პრიზები გადაეცემათ.

15 იანვარს თბილისში დასრულდა ერთკვირიანი სემინარი ქართველი კუდოისტებისთვის, რომელსაც  მოწვეული ინსტრუქტორი, შავი ქამრის მფლობელი დენის სინიუტინი უძღვებოდა. სემინარის დასრულების შემდეგ მან საქართველოს კუდოს ფედერაციის წევრებს ატესტაცია ჩაუტარა და შესაბამისი დონის თანრიგები მიანიჭა.

სემინარები სპორტულ კლუბ „ფიტნეს 31–ში“ ჩატარდა, რომელიც საბრძოლო ხელოვნება „კუდოს“ შესახებ თეორიულ და პრაქტიკულ მეცადინეობებს მოიცავდა. პირველ დღეს ქართველ კუდოისტებთან ერთად იაპონელმა ოლიმპიურმა ჩემპიონმა ძიუდოში სატოში იშიმაც ივარჯიშა. სპორტსმენებთან ერთად მასტერკლასებს  ფედერაციის ხელმძღვანელებიც ესწრებოდნენ.

სემინარის დასრულების შემდეგ, კუდოს წესების შესაბამისად, საკვალიფიკაციო ატესტაცია ჩატარდა. დენის სინიუტინმა თითოეული სპორტსმენის მომზადების დონე ინდივიდუალურად შეამოწმა და მათ შესაბამისი დონის თანრიგები „კიუები“ მიანიჭა.

დენის სინიუტინის თქმით, ქართველი სპორტსმენები ფიზიკურად და მორალურად ძალიან ძლიერები არიან, კუდო ძალიან მრავალფეროვანი ორთაბრძოლაა, თუმცა იმას, რასაც ქართველი მებრძოლები ფლობენ, გაკვეთილზე ვერ ასწავლი. ნაყოფიერი შეკრება გამოვიდა.

ჩატარებული მასტერკლასის შესახებ პატარ მებძოლმა ისაუბრა:

„კუდოში ვარჯიში ერთი თვის წინ დავიწყე. მე–8 კიუ მომენიჭა და ძალიან მიხარია, რომ საქართველოში ყველაზე ახალგაზრდა თანრიგოსანი ვარ“, – განაცხადა 11 წლის გიორგი კვიციანმა.

აღსანიშნავია, რომ ეს სემინარი ქართველი მებრძოლებისთვის პირველი არ ყოფილა. შარშან თბილისში  რუსეთის კუდოს ფედერაციის პრეზიდენტი  რომან ანაშკინი, ვიცეპრეზიდენტი ვლადიმირ ზორინი და მთავარი მწვრთნელი ანატოლი ფილიპოვი იმყოფებოდნენ. მათ ქართველი სპორტსმენებისა და მწვრთნელებისთვის ორკვირიანი მასტერკლასი ჩაატარეს. საქართველოს კუდოს ფედერაცია სპორტსმენების გადამზადების მიზნით, მსგავსი ღონისძიებების ჩატარებას მომავალშიც გეგმავს.

საქართველოს კუდოს ფედერაციის სპორტსმენები გადამზადების კიდევ ერთ კურსს გაივლიან. ამჯერად მათთვის ერთკვირიან სემინარს ჩაატარებს გამოცდილი ინსტრუქტორი, სპორტის ოსტატი კუდოში, შავი ქამრის მფლობელი დენის სინიუტინი, რომელიც თბილისს საქართველოს კუდოს ფედერაციის მოწვევით ესტუმრება. ვარჯიშები 9–დან 15 იანვრის ჩათვლით, სპორტულ კლუბ “ფიტნეს 31–ში” (ბოგდან ხმელნიცკის ქ. №181) ჩატარდება.

სემინარის ფარგლებში სპორტსმენები  თეორიულ და პრაქტიკულ სწავლებებს გაივლიან საბრძოლო ხელოვნება კუდოს შესახებ. აღსანიშნავია, რომ მსგავსი სეინარი  ქართველ სპორტსმენებს აამდე ჩაუტარდათ.  2016 წელს თბილისში  რუსეთის კუდოს ფედერაციის პრეზიდენტი რომან ანაშკინი, ვიცეპრეზიდენტი ვლადიმირ ზორინი და მთავარი მწვრთნელი ანატოლი ფილიპოვი იმოფებოდნენ. მათ ქართველი სპორტსმენებისა და მწვრთნელებისთვის ორკვირიანი მასტერკლასი ჩაატარეს.

დენის სინიუტინი 1981 წლის 28 სექტემბერს დაიბადა. კუდოში ვარჯიში 1995 წლიდან დაიწყო. არის რუსეთის მრავალგზის ჩემპიონი, ლიტვისა და ესტონეთის ღია ტურნირების ჩემპიონი და მსოფლიოს ვიცეჩემპიონი. მინიჭებული აქვს მეოთხე დანი და ფლობს შავ ქამარს. არის რუსეთის კუდოს ფედერაციის წევრი და სპორტულ კლუბ “დოძიოს” ხელმძღვანელი. სამწვრთნელო საქმიანობას ეწევა 2000 წლიდან.

საქართველოს კუდოს ფედერაციის სპორტსმენებმა გადამზადების ორკვირიანი კურსი გაიარეს. სემინარს უძღვებოდნენ რუსეთის კუდოს ფედერაციის წარმომადგენლები, რომლებიც  თბილისში სპეციალურად საქართველოს კუდოს ფედერაციის მოწვევით ჩამოვიდნენ.

სწავლება 12–დან 20 აგვისტოს ჩათვლით, ფიტნეს–ცენტრ “ფიტნეს 31–ში” ჩატარდა.  გადამზადების  კურსს რუსეთის კუდოს ფედერაციის პრეზიდენტი  რომან ანაშკინი, ვიცეპრეზიდენტი ვლადიმირ ზორინი და მთავარი მწვრთნელი ანატოლი ფილიპოვი ხელმძღვალებდნენ. გადამზადების პროცესს  საქართველოს კუდოს ფედერაციის პრეზიდენტი  დავით ხახუტაშვილი და ვიცეპრეზიდენტი  ალექსი ფილფანი დაესწრნენ.

სწავლების ფარგლებში, ქართველმა სპორტსმენებმა აითვისეს თეორიული და პრაქტიკული მასალა კუდოს საბრძოლო ხელოვნების შესახებ. აგრეთვე, განისაზღვრა სამომავლო გეგმები და გადაწყდა, რომ ქართველი მებრძოლების კვალიფიკაციის ამაღლების მიზნით, მსგავსი ტიპის სემინარები  მომავალში რეგულარულად ჩატარდება.