25 მარტს “ლიდერბეთი” წარმოგიდგენთ MAX FIGHT-ის მესამე ღონისძიებას. დღეს სპორტსმენბმა წონა ჩააბრეს. 12 დაპირისპირებიდან 2 ბრძოლა კუდოში შედგება. გიორგი ჟვანია გიგა სიჭინავას დაუპირისპირდება, ლუკა ნასარიძე კი თორნიკე კურტანიძეს.
გთავაზობთ საქართველოს კუდოს ფედერაციის მთავარი ინსტრუქტორის, დავით ყოლბაიას და კუდოისტების, გიორგი ჟვანიასა და გიგა სიჭინავა კომენტარებს;
გელოდებით 25 მარტს, “არენა 2-ზე”, დასაწყისი – 20:00 საათი.
ტურნირის მხარდამჭერია საქართველოს კუდოს ფედერაცია.
საქართველოს კუდოს ფედერაცია აგრძელებს კუდოისტთა საკვალიფიკაციო გამოცდებს.
დღეს ატესტაცია თბილისელ კუდოიუსტებს ჩაუტარდათ. საკვალიფიკაციო გამოცდა კუდოს ფედერაციის მთავარმა ინსტრუქტორმა, დავით ყოლბაიამ და კუდოს მწვრთნელმა, მამუკა შონიამ ჩაატარეს, მათ ახალგაზრდა კუდოუსტები ეხმარებოდნენ, რომელთაც უკვე აქვთ ატესტაციისთვის შესაბამისი კომპეტენცია. კუდოისტებმა საატესტაციო პროგრამას თავი წარმატებით გაართვეს და შესაბამისი თანრიგი მიენიჭათ.
საქართველოს კუდოს ფედერაცია ატესტაციას აგრძელებს და უახლოეს მომავალში საკვალიფიკაციო გამოცდები კუდოს სხვა კლუბებში ჩატარდება.
დღეს ბათუმში კიკბოქსინგის აკადემიაში – Ninja fight-ის კლუბში კუდოს სექცია გაიხსნა. ახალგაზრდა კუდოისტებს მწვრთნელი ვაჟა თურმანიძე ავარჯიშებს. ბათუმს დღეს კუდოს ფედერაციის მთავარი ინსტრუქტორი დავით ყოლბაია ესტუმრა და ახალგაზრდა კუდოისტებს მასტერკლასი ჩაუტარა.
კუდოში ვარჯიში ნებისმიერ დაინტერესებულს კვირაში 3-ჯერ შეუძლია.
დაინტერესებული პირები დაუკავშირდით ვაჟა თურმანიძეს (568600141)
მისამართი, ქ. ბათუმი, ხახულის #27ა
დღეს ზუგდიდში, საქართველოს კუდოს ფედერაციის ორგანიზებით, ადგილობრივი და წალენჯიხელი კუდოისტებისთვის საერთაშორისო სტანდარტების შესაბამისად, საკვალიფიკაციო გამოცდა ჩატარდა.
ატესტაციას კუდოს ფედერაციის მთავარი ინსტრუქტორი დავით ყოლბაია ხელმძღვანელობდა, საგამოცდო პროცესში ჩართულნი იყვნენ კუდოს მწვრთნელები რომეო გაბლაია და ირაკლი პაპავა. კუდოისტებმა საატესტაციო პროგრამას თავი წარმატებით გაართვეს და შესაბამისი თანრიგი მიენიჭათ.
საქართველოს კუდოს ფედერაცია ატესტაციას აგრძელებს და უახლოეს მომავალში საკვალიფიკაციო გამოცდები კუდოს სხვა კლუბებში ჩატარდება.
დღეს ზუგდიდის სპორტულ კომპლექსში საქართველოს კუდოს ფედერაციის ორგანიზებით, მსოფლიოს 2023 წლის ჩემპიონატის შესარჩევი ტურნირი გაიმართა, შედეგების მიხედვით საქართველოს ნაკრების კანდიდატები შეირჩნენ.
შეჯიბრში მონაწილეობა საქართველოს ჩემპიონატისა და საქართველოს თასის პრიზიორებმა მიიღეს. ტურნირი 4 სხვადასხვა ასაკობრივ კატეგორიაში ჩატარდა. მსოფლიოს ჩემპიონატის შესარჩევი ტურნირის ფინალისტები საქართველოს ნაკრებში მოსახვედრად ბრძოლას გააგრძელებენ, სპეციალურ შეკრებას გაივლიან, შეკრებაზე ნაჩვენები შედეგებით კი საქართველოს ნაკრები დაკომპლექტდება.
მსოფლიოს 2023 წლის ჩემპიონატი კუდოში 13-15 მაისს ტოკიოში გაიმართება.
შეგახსენებთ, ქართველმა კუდოისტებმა ჩვენი ქვეყნის ისტორიაში კუდოს მსოფლიოს ჩემპიონატზე პირველად 2018 წელს იასპარეზეს და ვერცხლის მედალი რაულ თუთარაულმა მოიპოვა.
მისამართი: ქ. ზუგდიდი დავით აღმაშენებლის #222
6 მონაწილე და 6 მედალი ევროპის ახალგაზრდულ ჩემპიონატზე;
საქართველოს კუდოს ფედერაციის ორგანიზებით ჩატარებული ტურნირები და საატესტაციო პროგრამები;
მწვრთნელთა და მსაჯთა კვალიფიკაციის ასამაღლებელი სემინარები და სხვა მნიშვნელოვანი პროექტები, რომელიც საქართველოს კუდოს ფედერაციამ 2022 წელს განახორციელა;
2022 წელს საქართველოს კუდოს ფედერაციის პრეზიდენტი დავით ხახუტაშვილი, ფედერაციის ვიცე-პრეზიდენტი ალექსი ფილფანი და საქართველოს კუდოს ფედერაციის მთავარი ინსტრუქტორი დავით ყოლბაია აჯამებენ
დიმიტრი ბერაია – U13 (– 42 კგ.)ლადო აფრასიძე – U16 (-48 )გიორგი ჟვანია – U16 (– 58) საბა მაქაცარია – U16 (+ 68 )
ლუკა ნასარიძე – U19 (-240) ვასილ დვალაძე – U19 (-260), დვალაძემ ჩემპიონობასთან ერთად კიდევ ერთი ჯილდო მიიღო, ქართველს ტურნირზე საუკეთესოდ ჩატარებული ბრძოლისთვის სპეციალური პრიზი გადაეცა.
