საქართველოს კუდოს ნაკრები ევროპის ჩემპიონატზე საასპარეზოდ ძლიერი შემადგენლობით ემზადება. კონტინენტის პირველობა  19 წლამდელებსა და უფროსებს შორის 29 ოქტომბერს, ლიეტუვის ქალაქ კაუნასში გაიმართება. 

2023 წლის ევროპის ჩემპიონატზე საქართველოს ღირსებას 6 კუდოისტი დაიცავს. ჩვენს ქვეყანას 4 წარმომადგენელი 19 წლამდელთა შორის ეყოლება, 2 კი უფროსებში.

ქართველი კუდოისტები  ევროპირველობისთვის  არასრული შემადგენლობით თბილისში, კუდოს კლუბ „დავითიანნში“ ვარჯიშობენ. საქართველოს ნაკრების წევრებს საქართველოს კუდოს ფედერაციის მთავარი ინსტრუქტორი დავით ყოლბაია და კუდოს მწვრთნელი მამუკა შონია ავარჯიშებენ. ევროპის ჩემპიონატისთვის თბილისში ამჟამად 4 კუდოისტი, ვასილ დვალაძე, ლევან დარასელია, თორნიკე  კურტანიძე და გიორგი ჟვანია ემზადებიან. რომეო გაბლაია და სედრაკ კარაპეტიანი კუდოს ნაკრებს უახლოეს მომავალში შემოუერთდებიან.

საქართველოს ნაკრების შემადგენლობაში მსოფლიოსა და ევროპის ჩემპიონები არიან.  სედრაკ კარაპეტიანი (U19) მსოფლიოს მოქმედი ჩემპიონია, გიორგი ჟვანია (U16) და ვასილ დვალაძე (U19) ევროპის მოქმედი ჩემპიონები, დვალაძეს 2022  წელს ევროპირველობაზე საუკეთესოდ ჩატარებული ბრძოლისთვის სპეციალური პრიზი გადაეცა.

კაუნასში ევროპირველობის ფარგლებში, 30 ოქტომბერს გაიმართება მწვრთნელთა  შავი ქამრებისა და დანის მისანიჭებელი საკვალიფიკაციო გამოცდა, სადაც საქართველოდან კუდოს  მწვრთნელები, დავით დუშუაშვილი, რომეო გაბლაია და მამუკა შონია მეორე დანის გამოცდებს ჩააბარებენ.

საქართველოს კუდოს ნაკრები ლიეტუვაში 26 ოქტომბერს გაემგზავრება.

საქართველოს ნაკრების შემადგენლობა:

ლევან დარასელია – უფროსები, კატეგორია -230

რომეო გაბლაია – უფროსები, კატეგორია -260

გიორგი ჟვანია –  U19, კატეგორია – 240

თორნიკე კურტანიძე – U19, კატეგორია – 230

სედრაკ კარაპეტიან – U19 კატეგორია – 260

ვასილ დვალაძე-  U19,  კატეგორია -270

 13 ნოემბერს, აღმოსავლეთ ევროპის უნივერსიტეტის  სპორტულ კომპლექსში კუდოში  საქართველოს ჩემპიონატი გაიმართა.

ტურნირი საქართველოს კუდოს ფედერაციის ორგანიზებით ჩატარდა. ჩემპიონატი  სხვადასხვა ასაკის მონაწილეებს შორის  17  კატეგორიაში გაიმართა, სადაც როგორც ბიჭები, ასევე გოგოები ასპარეზობდნენ.

გამარჯვებულებსა და საპრიზო ადგილებზე გასულ კუდოისტებს შესაბამისი  მედლები, თასები და სიგელები გადაეცათ.

წელს კუდოს მსაჯთა ბრიგადას ახალგაზრდა კუდოისტები შეურთდნენ, ლუკა ყოლბაია,  საბა მაქაცარია და სალომე კილასონია, სალომე ქართული კუდოს ისტორიაში პირველი ქალი მსაჯია.

საქართველოს კუდოს ფედერაცია მხარდაჭერისთვის მადლობას უხდის აღმოსავლეთ ევროპის უნივერსიტეტს.

საქართველოს კუდოს ფედერაციის ორგანიზებით, დღეს  ამბროლაურში საერთაშორისო სტანდარტების შესაბამისად, კუდოისტთა საკვალიფიკაციო გამოცდა ჩატარდა.

ატესტაცია  ტყიბულისა და ამბროლაურის კუდოისტებს ერთობლივად ჩაუტარდათ. კუდოისტთა გამოცდებს კუდოს მწვრთნელი, პირველი დანის მფლობელი დავით დუშუაშვილი ხელმძღვანელობდა, რომელსაც მწვრთნელი ლევან კუბლაშვილი ეხმარებოდა.

კუდოისტებმა საატესტაციო პროგრამას თავი წარმატებით გაართვეს და შესაბამისი თანრიგი მიენიჭათ.

6-დან 6 მედალი, 5 ოქრო და 1 ვერცხლი, – წარმატებით იასპარეზეს ქართველმა კუდოისტებმა მალტაში გამართულ ევროპის ჩემპიონატზე ჯუნიორთა შორის;

ევროპის ჩემპიონატზე საქართველოდან სამ სხვადახვა კატეგორიაში  ექვსმა კუდოისტმა იასპარეზა და ექვსივემ მედალი მოიპოვა;   13 წლამდელთა შორის ჩემპიონი დიმიტრი ბერაია (– 42 კგ.) გახდა. 16 წალდელებში ქართველებმა სამი ოქროს მედალი მოიპოვეს, ჩემპიონები – ლადო აფრასიძე   (-48 ),  გიორგი ჟვანია  (– 58),   საბა მაქაცარია (+ 68 ) გახდნენ. 19 წლამდელთა შორის ვერცლის მედალი   ლუკა ნასარიძემ  (-240) მოიპოვა, ჩემპიონი კი ვასილ დვალაძე (-260) გახდა, დვალაძემ ჩემპიონობასთან ერთად კიდევ ერთი ჯილდო მიიღო, ქართველს   ტურნირზე საუკეთესოდ ჩატარებული ბრძოლისთვის სპეციალური პრიზი გადაეცა.

საქართველოს კუდოს ეროვნული ფედერაციის დელეგაცია მალტას რესპუბლიკაში კუდოს ფედერაციის მთავარი ინსტრუქტორის, დავით ყოლბაიას ხელმძღვანელობით იმყოფება დელეგაციაში ორი მწვრთნელია, დავით დუშუაშვილი და ირაკლი პაპავა.

დავით ყოლბაიამ და დავით დუშუაშვილმა ევროპის ჩემპიონატამდე სპეციალური კურსი გაიარეს და დღეს  ევროპირველობაზე იმსაჯეს.

ქართველი სპორტსმენები  ევროპის ჩემპიონატზე საქართველოს კუდოს ფედერაციის პრეზიდენტის, დავით ხახუტაშვილის მხარდაჭერით წავიდნენ.

საქართველოს კუდოს ფედერაცია ასევე მადლობას უხდის, ამბროლაურის მუნიციპალიტეტის მერიას და რაჭა-ლეჩხუმ ქვემო სვანეთის დეპუტატ გოჩა ენუქიძეს, ამავე ქალაქის კუდოს კლუბ „ავაზას“  მხარდაჭერისთვის.

საქართველოს ნაკრების შედეგი:

დიმიტრი ბერაია – U13 (– 42 კგ.) 

ლადო აფრასიძე – U16 (-48 )

გიორგი ჟვანია – U16 (– 58)

საბა მაქაცარია – U16 (+ 68 )

ვასილ დვალაძე – U19 (-260)

ლუკა ნასარიძე – U19 (-240)

თბილისში, კუდოს კლუბ „დავითიანნში“ ვარჯიში რეგულარულად მიმდინარეობს.  გლდანში მდებარე (ა  მკ/რნ. 136-ე სკოლა) დარბაზში სენსეი მამუკა შონია ვარჯიშს კვირაში სამჯერ ატარებს.  აღნიშნული კლუბის კუდოისტები აქტიურად მონაწილეობენ, როგორც საქართველოს კუდოს ფედერაციის ორგანიზებით გამართულ, ასევე საერთაშორისო ტურნირებში.

ვარჯიშის განრიგი:

სამშაბათი –  17:00 – 18:30 საათი

ხუთშაბათი – 17:00 – 18:30 საათი

შაბათი – 12:00 საათი