13 ნოემბერს, აღმოსავლეთ ევროპის უნივერსიტეტის სპორტულ კომპლექსში საქართველოს ჩემპიონატი კუდოში 2022 გაიმართება. ტურნირი საქართველოს კუდოს ფედერაციის ორგანიზებით ტარდება და მასში მონაწილეობას ჩვენი ქვეყნის სხვადასხვა რეგიონის კუდოისტები მიიღებენ. შეჯიბრი სხვადასხვა ასაკის მონაწილეებს შორის 17 კატეგორიაში გაიმართება, სადაც როგორც ბიჭები, ასევე გოგოები იასპარეზებენ.
საქართველოს ჩემპიონატი კუდოში 13 ნოემბერს 11:00 საათიდან დაიწყება. გულშემატკივრებისთვის დასწრება თავისუფალია.
მისამართი: ქ. თბილისი, შატილის ქ. #4
